वीरगंज । २०८३ भाद्र १० गते भोटेकोशी नदीमा आएको विनाशकारी बाढीबाट प्रभावित परिवारहरूको सहयोगार्थ दिल्ली पब्लिक स्कूल, वीरगंज परिवारका विद्यार्थी तथा कर्मचारीहरूले दुई लाख १४ हजार आर्थिक सहयोग गरेको छ ।
प्रधानमन्त्री दैवी प्रकोप उद्धार कोषमा जिल्ला प्रशासन कार्यालय, बाराका प्रमुख जिल्ला अधिकारी श्री खडानन्द अधिकारीमार्फत आर्थिक रकम जम्मा गरिएको हो ।
मानवीय कार्यमा सो विद्यालयका सम्पूर्ण विद्यार्थी, शिक्षक तथा कर्मचारीहरूले आर्थिक संकलन गरी सहयोग गरेकोमा दिल्ली पब्लिक स्कूल, वीरगंज परिवारले धन्यवाद तथा आभार व्यक्त गरेको छ ।
यस सहयोग अभियानको पहल गरी नेतृत्वदायी भूमिका निर्वाह गरेकोमा डिपिएस हेल्पिङ ह्यान्डस क्लब (स्कूल सोसल क्लब)लाई पनि विद्यालय परिवारले प्रशंसा गरेको छ ।
साभार:
घण्टाघर टिभी
