पर्सा , भदौ १९ –
विनाशकारी बाढीपछि प्रधानमन्त्री दैवी प्रकोप उद्धार कोषमा झण्डै ६ अर्ब रुपैयाँ सहयोग संकलन भएको छ।
बाढीपीडितको उद्धार, राहत, पुनःस्थापना तथा पुनर्निर्माणका लागि सरकारले सहयोगको आह्वान गरेपछि देश तथा विदेशबाट कोषमा रकम जम्मा हुने क्रम बढेको हो। यसअघि कोषमा २ अर्ब ८ करोड रुपैयाँ मौज्दात रहेको थियो।
पछिल्लो सहयोगसहित कोषमा ८ अर्ब रुपैयाँभन्दा बढी रकम पुगेको छ। सरकारले उक्त रकम बाढीपीडितलाई तत्काल राहत उपलब्ध गराउन तथा क्षतिग्रस्त पूर्वाधारको पुनःस्थापना र पुनर्निर्माणमा पारदर्शी रूपमा परिचालन गर्ने जनाएको छ।
बाढीपीडितका लागि निजी क्षेत्र, बैंक तथा वित्तीय संस्था, संघसंस्था, राजनीतिक दल, स्थानीय तह, कर्मचारी तथा सर्वसाधारणले समेत आर्थिक र भौतिक सहयोग गरिरहेका छन्।
साभार:
घण्टाघर टिभी
