पर्सा , भदौ २१ –
विपद्मा परेका नागरिकको उद्धारमा भइरहेको ढिलाइप्रति जनआक्रोश
बढिरहेको भन्दै नेपाली कांग्रेसका सभापति गगनकुमार थापाले राज्यका सम्पूर्ण संयन्त्र तत्काल परिचालन गर्न सरकारलाई आग्रह गरेका छन् ।
आइतबार बसेको कांग्रेस केन्द्रीय कार्यसम्पादन समिति बैठकमा थापाले अहिले राजनीतिक आरोप–प्रत्यारोपमा नअल्झी नागरिकको ज्यान बचाउने कार्यलाई पहिलो प्राथमिकता दिनुपर्ने बताएका छन् ।
उनले आगामी केही दिन सरकार र सबै राजनीतिक दल उद्धारमा मात्रै केन्द्रित हुनुपर्ने बताए । प्रभावित परिवार र फिल्डमा खटिएका प्राविधिकले समयमा राज्यको सहयोग नपाएको गुनासो गरिरहेको भन्दै उनले तत्काल राज्यको उपस्थिति देखिनुपर्नेमा जोड दिए ।
थापाले उद्धारको तत्कालीन चरण सकिएपछि घटनाका कमजोरीबारे गम्भीर समीक्षा र बहस गर्न सकिने भन्दै अहिले प्रभावित नागरिकको उद्धार, द्रुत राहत र आवश्यक सहयोगलाई प्राथमिकता दिनुपर्ने बताएका छन् ।
