वीरगन्ज ,२३जेष्ठ : वीरगन्ज महानगर र यस आसपासका क्षेत्रमा केही हप्ता यतादेखि लगातार रुपमा भइरहेकाे अघाेषित लाेडसेडिङ र ट्रिपीङकाे समस्याले जनजिवनमा पारेकाे असर बारे वीरगन्ज महानगरपालिकाका मेयर राजेशमान सिंहले नेपाल विद्युत प्राधिकरणकाे ध्यानाकर्षण गराएका छन् ।
दुई हप्तायता अत्याधिक रुपमा बढेकाे गर्मीले जनजिवन नै अस्तव्यस्त भइरहेका बेला विद्युत आपूर्तिमा भईरहेकाे समस्याले वीरगन्ज र यस आसपासका वासिन्दा थप पिडित बनेका छन् ।
वीरगन्ज महानगरका मेयर सिंहले मंगलबार नेपाल विद्युत प्राधिकरण वीरगन्ज वितरण केन्द्रका प्रमुख अवधेश कुमार देउवालाई भेटेर विद्युत आपूर्तिमा देखिएकाे समस्या र त्यसबाट जनजिवनमा परेकाे असरबारे ध्यानाकर्षण गराएका हुन् ।
वीरगन्ज महानगरपालिकामै प्राधिकरणका प्रमुख दुवेलाई बाेलाएर मेयर सिंहले छिन छिनमा लाइन कट्ने समस्या तत्काल समाधान गर्न निर्देशन दिए । प्रचण्ड गर्मीले आजित बनेका वीरगन्जवासी छिन छिनमा लाइन कट्दा थप पिडामा परेकाे भन्दै मेयर सिंहले याे समस्या समाधानका लागि प्राधिकरणले तत्कालै काम थाल्नुपर्नेमा जाेड दिए ।
जवाफमा विद्युत प्राधिकरण वीरगन्ज वितरण केन्द्रका प्रमुख दुवेले वीरगन्ज क्षेत्रमा केहिदिन यता पटक पटक विद्युतकाे ट्रीप भएर लाइन कटिरहेकाे स्विकारे । याे समस्या समाधानका लागि वीरगन्ज क्षेत्रका थप २० स्थानमा नयाँ ट्रान्सर्फमर राख्नुपर्ने आवश्यकता रहेकाे भन्दै उनले त्यसका लागि प्राधिकरणले तयारी गरिरहेकाे जानकारी मेयर सिंहलाई गराए ।नयाँ ट्रान्सर्फमर जडानका क्रममा सहयाेग गरिदिन उनले मेयर सिंहसंग आग्रह पनि गरे ।
दुवेकाे कुरा सुनेपछि मेयर सिंहले प्राधिकरणले नयाँ ट्रान्सर्फमर जडान गर्ने क्रममा अवराेध नगरि सहयाेग गरिदिन वीरगन्जवासीसंग अपिल पनि गरेका छन् ।
The post वीरगन्जमा छिन् छिन् मा लाइन कट्ने समस्या तत्काल समाधान गर्न विद्युत प्राधिकरणलाई मेयर सिंहकाे निर्देशन appeared first on Madhes Khabar.
साभारः मधेसखबर
प्रतिक्रिया