स्क्रोरल विज्ञापनको लागि सम्पर्क गर्नुहोस्

$type=slider$snippet=hide$cate=0$author=hide$comment=hide$date=hide$readmore=hide$show=home

$type=one$count=1$cate=0$author=hide$comment=hide$date=hide$readmore=show$show=home

$show=home

६ वर्षदेखि २६ मुसहर परिवारको बिचल्ली

SHARE: 520

२६ फागुन, जनकपुरधाम । पराले झुपडीमा गुजारा गर्ने जुल्मा र श्रीमती मुनेसरी सदा जनता आवास कार्यक्रम अन्तर्गत सरकारले पक्की घर बनाइदिने खबर सुन्दा निकै खुशी भए । महोत्तरीको भंगाहा नगरपालिका–३ को यो मुसहर बस्तीमा २०७३ को अन्त्यतिर यो सुसमाचार पुगेको थियो ।

६८ वर्षीया मुनेसरीका अनुसार सरकारले इँटाको घर बनाउन भन्दै २०७४ मा पुरानो छाप्रो भत्काउन भनियो । त्यसको केही महिनापछि पक्की घरको जग पनि हालियो । ‘त्यसपछि भने कोही आएनन्’ उनले भनिन्, ‘हाम्रो बिजोग सुरु भयो । खुल्ला आकाशमुनि बसेर घामपानी र शीतलहर काट्न परेको छ ।’

मुनेसरीका अनुसार, २०७६ भदौमा वर्षाले भिजेर बिरामी परेका ७० वर्षीय जुल्मा उठ्न पाएनन् । मुनेसरी विधवा भएपछि उनीहरूको घरको भित्ता त ठडियो, तर छानो अझै लागेको छैन । ‘सरकारले झुपडी भत्काएर बेघर बनाएपछि बुढा बिते, अब मर्ने पालो मेरो छ’, मुनेसरी भन्छिन् ।

दिनरात खुल्ला आकाशमुनि बिताउने उनका पाँच नातिनातिना बिरामी भइरहन्छन् । छोरा विक्रमको ज्याला–मजदुरीले साँझ–बिहान मुश्किलले चुलो बल्छ । आफ्नै पैसाले भित्तामा प्लास्टर र छानो हाल्नु कल्पनाभन्दा परको कुरा बनेको छ ।

भंगाहा–३ कोयो मुसहर बस्तीमा जुल्मा, रमसखिया, चन्दर लगायत २६ जनाको पुरानो घर भत्काएर अलपत्र छाडिएको छ । ६ वर्षयता उनीहरू खुला आकाशमुनि कष्टकर जीवन बिताइरहेका छन् ।

त्यही टोलकी ५९ वर्षीय रमसखिया सदाको भत्काएको घरको भित्ता पनि बनेको छैन । उनका श्रीमान् रामप्रित मजदुरी गर्न भारतको मद्रास गएका छन् । रमसखियाले छोरी राजकली र तीन नाति–नातिनालाई घरको जगमाथि थोत्रो त्रिपालभित्र जसोतसो राखेकी छन् ।

‘सरकारले बेघर बनाएर ठूलो दुःख दियो । अब त फेरि हावाहुरीको समय पनि आउन लाग्यो’ उनी भन्छिन्, ‘त्यसपछि आउने वर्षात्को मौसम कसरी काट्ने होला ?’

सोही बस्तीका चन्दर सदाले ऋण–धन गरेर बाँस, काठ र खरको बलियै घर बनाएको डेढ वर्ष मात्र भएको थियो । पक्की बनाइदिने भनेपछि त्यो घर भत्काउन उनी राजी भएका थिए । तर, एक वर्ष खुल्ला आकाशमुनि घामपानी र शीतलहर झेल्न परेपछि उनी चार छोराछोरी र श्रीमती लिएर धनुषाको रमनगरा ससुरालीमा शरण लिन गएको छिमेकी पलट सदाले बताए ।

भंगाहा–३ कोयो मुसहर बस्तीमा जुल्मा, रमसखिया, चन्दर लगायत २६ जनाको पुरानो घर भत्काएर अलपत्र छाडिएको छ । ६ वर्षयता उनीहरू खुला आकाशमुनि कष्टकर जीवन बिताइरहेका छन् ।

गएको असारमा ठूलो वर्षात्मा बालबच्चा बचाउनै हम्मे परेको मोदनदेवी सदाले सुनाइन् । उनी आउन लागेको हावाहुरी र वर्षात्को मौसम सम्झेर चिन्ताग्रस्त छिन् । छिमेकी मञ्चित सदाले भने ऋण काढेर गत माघमा अधुरो घर पूरा गरेका छन् ।

‘जाडो त जसोतसो कटिहाल्छ, तर हावाहुरी र वर्षात्मा धेरै बेहाल हुन्छ’ रामबाबु सदाले भने, ‘सरकारले समयमै घर बनाइदिन सक्ने थिएन भने हाम्रो झुपडी किन भत्काएको ? हामीमाथि ठूलो अन्याय भएको छ ।’

प्लास्टर, एलिबेस्टर (छाना) र झ्यालढोका लगाउँदा डेढलाख रुपैयाँ खर्च भएको उनले बताए । ३ छोरा, ३ बुहारी र ७ नाति–नातिनाका अभिभावक उनी भन्छन्, ‘सरकारले घर बनाइदिने भन्दै ६ वर्ष दुःख मात्र दियो । अहिले जसोतसो आफैं बनाइयो, तर ऋण कसरी तिर्ने हो, थाहा छैन ।’

बेघर भएका मुसहरहरूको दुःख बताएर साध्य छैन । ‘जाडो त जसोतसो कटिहाल्छ, तर हावाहुरी र वर्षात्मा धेरै बेहाल हुन्छ’ रामबाबु सदाले भने, ‘सरकारले समयमै घर बनाइदिन सक्ने थिएन भने हाम्रो झुपडी किन भत्काएको ? हामीमाथि ठूलो अन्याय भएको छ ।’

केही दिनअघि जितन सदा, जिवचन्द्र सदा र दिनेश सदाको घरमा छानो हालिएको छ । अरू घरमाथि छानो कहिले लाग्छ, थाहा छैन । ९ वटा घर निर्माण उपभोक्ता समितिका सदस्य देवलाल सदाकै घर छानोविहीन छ ।

‘सरकार र ठेकेदारले मतलब नगर्दा यस्तो अवस्था भयो’ उनी भन्छन्, ‘कोषमा पैसा छ, तर ठेकेदारले यो छैन, त्यो छैन भन्दै अहिलेसम्म काम पूरा गरेनन् ।’

संघीय सरकारले आर्थिक वर्ष २०७३-७४ मा जनता आवास कार्यक्रम ल्याएको थियो । पछि निर्माणाधीन घरहरूलाई पूर्णता दिन मधेश प्रदेश सरकारले जिम्मा पायो । भौतिक पूर्वाधार मन्त्रालय अन्तर्गत शहरी विकास तथा भवन निर्माण विभाग जनकपुरले यो योजना हेरिरहेको छ ।

मधेश प्रदेश सरकारको भौतिक पूर्वाधार मन्त्रालयका सचिव कृष्ण कुमार मिश्र भने जनता आवास कार्यक्रम अन्तर्गत भंगाहामा भइरहेको निर्माणबारेको विषयमा अनभिज्ञ छन् । ‘यो विषय त भवन निर्माण विभागसँग बुझ्नुपर्छ’, उनले भने ।

मोबाइल अफ गरेर बसेकाले भवन निर्माण विभागका प्रमुखसँग भने कुरा हुन सकेन । भंगाहा नगरपालिकाका मेयर संजीवकुमार साह सरकारले दुईकोठे पक्की घर बनाइदिने भन्दै भएको घर भत्काएर विपन्न मुसहरहरूलाई महाबिजोग बनाएको बताउँछन् ।

प्रदेशले यो जिम्मेवारी स्थानीय सरकारलाई दिए काम राम्ररी हुनसक्ने उनको भनाइ छ ।


प्रतिक्रिया





तपाईलाई यो समाचार पढेर कस्तो महसूस भयो ?

एउटा लाइक गरेर मनोबल बढाउनुहोस्

$type=slider$snippet=hide$cate=0$author=hide$comment=hide$date=hide$readmore=hide

Name

ad,1,news,1383,अपराध,33,ईपेपर,25,खेलकुद,15,मनोरन्जन,15,मुख्य समाचार,129,राजनीति,76,विजनेश,19,समाचार,29,स्वतन्त्र विचार,17,
ltr
item
Crime News- क्राइम न्युज: ६ वर्षदेखि २६ मुसहर परिवारको बिचल्ली
६ वर्षदेखि २६ मुसहर परिवारको बिचल्ली
https://www.onlinekhabar.com/wp-content/uploads/2023/03/Munesri-sada-speaking.jpg
Crime News- क्राइम न्युज
https://www.crimenews.com.np/2023/03/blog-post_90.html
https://www.crimenews.com.np/
https://www.crimenews.com.np/
https://www.crimenews.com.np/2023/03/blog-post_90.html
true
8869296331757786240
UTF-8
Loaded All Posts Not found any posts सबै हेर्नुहोस विस्तृतमा पढ्नुहोस Reply Cancel reply Delete By होमपेज PAGES POSTS सबै हेर्नुहोस उस्ता उस्तै खबर LABEL ARCHIVE खोज्नुहोस ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content