मधेसखबर
वीरगन्ज, २१ कार्तिक : मंसिर ४ को निर्वाचनको मिति नजिकिदै गर्दा पर्सा क्षेत्र नम्बर १ मा जसपा–एमाले गठबन्धनका प्रतिनिधीसभा सदस्य उम्मेदवार प्रदीप यादव प्रति मतदाताहरुको आकर्षण बढ्दै गएको छ ।
चुनावी घरदैलोका क्रममा क्षेत्रका हरेक वडामा पुग्दा यादवको समर्थनमा मतदाताहरुले समर्थन गर्दै स्वागत गरिरहेका छन् । विगतको पाँच वर्षको कार्यकालमा पर्सा का चार वटै क्षेत्र मध्ये पर्सा १ मा सांसदका रुपमा यादवले सबै भन्दा बढि र नमूना कामहरु गरेको भन्दै मतदाताहरुले यसपालि फेरि आफुहरुको रोजाइ यादव नै भएको बताइरहेका छन् ।
यसैक्रममा वीरगन्ज महानगरपालिका वडा नम्बर १४ को पिपराटोलमा पनि सोमबार बिहान गठबन्धनबाट एमालेका प्रदेशसभा सदस्य उम्मेदवार विचारी यादवका साथ पुगेका प्रतिनिधीसभा सदस्य उम्मेदवार यादवलाई मतदाताले समर्थन गर्दै स्वागत गरेका छन् । उनिहरुले पर्सा १ मा यादवको सामु कुनै पनि उम्मेदवार प्रतिस्पर्धामै नरहेको भन्दै यादवको जित सुनिश्चित रहेको जिकिर पनि गरे ।
पिपराटोलमा मतदाताको स्वागत र समर्थन पाएपछि पूर्वमन्त्री समेत रहेका यादवले मतदातालाई कृतज्ञता प्रकट गर्दै यो जोश र उत्साह मंसिर ४ सम्मै राख्न आग्रह गरे ।मतदातासंग उनले भने, ‘ संघीयता, सुशासन र विकासको पक्षधर जसपा–एमाले गठबन्धनका साझा उम्मेदवारहरुलाई मतदान गरेर जिताउनुस् , तपाईको दुखसुखमा म सधै साथमै रहनेछु , अधुरा विकास निर्माणका काम पुरा गर्छु ।
पर्सा जिल्लालाई झन् विकसित, समृद्धि र सुशुसित बनाउने अभियानमा मतदाताहरुबाट पाएको स्नेह र आशिर्वादले थप उत्साहित बनाएको भन्दै यादवले मतदाताहरुसंग भने ,‘ तपाईहरुबाट प्राप्त सल्लाह र सुझावले हामीलाई थप उर्जाशील र सशक्त बनाएको महसूस गरेको छु , तपाइहरुको यो अगाध माया र भरोसामा फेरि पनि खरो उत्रिनेछु ।चुनावी घरदैलोका क्रममा जसपा र एमालेका नेता कार्यकर्ताहरुको पनि सहभागीता थियो ।
The post मतदाताबाट पाएको स्नेह र आशिर्वादले थप उत्साहित छु : प्रदीप यादव appeared first on Madhes Khabar.
साभारः मधेसखबर
प्रतिक्रिया