वीरगंज, भदौ २४ –
रामकुमार महावीरप्रसाद केडिया आँखा अस्पतालले भोटेकोशी बाढीपीडितका लागि प्रधानमन्त्री राहत कोषमा कुल १० लाख ९४ हजार १६१ रुपैयाँ सहयोग गरेको छ ।
अस्पतालका कर्मचारी तथा पसल व्यवसायीबाट संकलित १ लाख ९४ हजार १६१ रुपैयाँ र महावीरप्रसाद–बृजलाल केडिया सेवा ट्रस्टबाट २ लाख रुपैयाँ राहत कोषमा जम्मा गरिएको हो । यसअघि अस्पतालले नेपाल नेत्रज्योति संघमार्फत ७ लाख रुपैयाँ सहयोग गरेको थियो ।
यसैबीच, अस्पताल परिसरमा मैनबत्ती प्रज्वलनसहित श्रद्धाञ्जली सभा आयोजना गरी बाढीमा ज्यान गुमाएकाप्रति श्रद्धाञ्जली अर्पण गरिएको छ ।
साभार:
घण्टाघर टिभी
