चोलेन्द्र जबरालाई सुरक्षाका लागि प्रहरीसंगै राखिएको दाबी

पर्सा , असोज ११ –

पूर्वप्रधानन्यायाधीश चोलेन्द्रशमशेर जबरालाई पक्राउ नगरिएको काठमाडौं उपत्यका अपराध अनुसन्धान कार्यालयका प्रमुख एसएसपी सन्तोष खड्काले बताएका छन् ।

खड्काका अनुसार जबराको जीवनमा गम्भीर सुरक्षा जोखिम रहेको सूचना आएपछि उनलाई सुरक्षाका लागि महाराजगञ्जस्थित निवासबाट कार्यालय ल्याइएको हो । उनी हाल प्रहरीकै सुरक्षामा रहेको खड्काले बताए ।

जबराको सुरक्षा सुनिश्चित भएपछि घर पठाउने वा अन्य सुरक्षित स्थानमा राख्नेबारे निर्णय हुने प्रहरीले जनाएको छ । उनीविरुद्ध कुनै आपराधिक मुद्दा अघि बढाउने योजना नरहेको प्रहरीको भनाइ छ ।