वीरगन्ज,८बैशाख : पर्साको पर्सागढी नगरपालिका वडा नम्बर ३ पकडिया बढनिहारमा रहेको जनता माध्यमिक बिधालयमा भएको आर्थिक अनियमितता बारे अख्तियार दुरुपयोग अनुसंधान आयोगले चासो देखाएको छ ।हेटौडास्थित अख्तियारको कार्यालयले पर्सागढी नगरपालिका कार्यालयलाई पत्रचार गरि जनता माध्यमिक विधालयमा भएको अनियमितता बारे चासो चासो देखाएको हो ।
विधालयका प्रधानाध्यापक मोहन प्रसाद चौधरी , सहायक प्रप्रधानाध्यापक डिल्लिराम आचार्य र करार शिक्षक एंव शिवनारायण चौधरीले विधालयको विभिन्न शीर्षकको रकम हिनामिना गरेको आरोप छ । यस्तै ती तीनै जना र प्राविधिक शिक्षाका टेक्स संयोजक तपेश्वर प्रसाद यादवले मिलेर सरकारी तलबभत्ता बाहेक विभिन्न बहानामा दोहोरो तलबभत्ता पनि खाने गरेको र प्राविधिक शिक्षा तर्फ विधालय गुणस्तर सुधार कार्यक्रम तर्फको समेत रकम रकम हिनामिना गरेको पनि आरोप छ ।
उनिहरु विरुद्ध अख्तियारमा उजुरी परेपछि अख्तियारले रायसुझाव सहितको आवश्यक कागजातको प्रमाणित प्रतिलिपी ७ दिन भित्र अख्तियारमा पेस गर्न नगरपालिका कार्यालयलाई पत्र काटेको हो ।अख्तियारले नगरपालिकालाई पत्राचार गरेपछि नगरपालिकाले पनि बैशाख ५ गते त्यस सम्बन्धमा विधालयलाई समेत पत्रचार गरिसकेको जनाईएको छ ।
जनता माध्यमिक विधालयमा विभिन्न शिर्षकमा आएका बजेट त्यहाका शिक्षक र कर्मचारीले व्यापक हिनामिना गरेको विषयलाई लिएर स्थानिय अगुवाहरुले पनि विरोध जनाउदै आएका छन् ।
The post पर्साको जनता मावि बढनिहारमा भएको आर्थिक अनियमितता बारे अख्तियारको चासो appeared first on Madhes Khabar.
साभारः मधेसखबर
प्रतिक्रिया