सिन्धुली,२९चैत : सिन्धुली जिल्लाकाे बीपी राजमार्गको सिन्धुलीमाडी–खुर्कोट खण्डअन्तर्गत कमलामाई नगरपालिका ३ को सोलाभन्ज्याङ नजिक बुधबार बिहान भएको कार दुर्घटनामा परी ४ जना भारतीयको मृत्यु भएको छ ।
जिल्ला प्रहरी कार्यालय सिन्धुलीका अनुसार पूर्वबाट काठमाडौं जाँदै गरेको बी आर डीडी ०६८७ भारतीय नम्बरको कार सडकबाट करिब पाँच सय मिटर तल खसेर दुर्घटना हुँदा घटनास्थलमा तीन जना र सिन्धुली अस्पतालमा एक गरी चार जनाको मृत्यु भएको हो ।
कारमा पाँच जना सवार थिए । घाइते एक जनाको सिन्धुली अस्पतालमा उपचार भइरहेको छ । मृतक र घाइते भारतीयको पहिचान गर्ने र मृतकको शव निकाल्ने काम भइरहेको सिन्धुलीका प्रहरी उपरीक्षक राजकुमार सिलवालले जानकारी दिए ।साभार:कान्तिपुर
The post सिन्धुलीमा कार दुर्घटना हुदाँ चार भारतीयकाे मृत्यु appeared first on Madhes Khabar.
साभारः मधेसखबर
प्रतिक्रिया