मधेसखबर
वीरगन्ज,८ बैशाख : प्रेमीको हत्या गर्ने प्रेमिका र उनका श्रीमान्लाई हत्या भएको साढे चार महिनापछि प्रहरीले पक्राउ गरेको छ । हत्यापछि फरार भइ भारतको केरलामा लुकिछिपी बस्दै आएका दुवै जनालाइ प्रहरीले पक्राउ गरेको हो ।
पक्राउ पर्नेमा पर्साको वीरगन्ज महानगरपालिका वडा नम्बर १५ भिस्वाकी २० वर्षिया रोशनी भन्ने हिरा देवी र उनका श्रीमान् २४ वर्षिय रामु भन्ने कैलाश महत्तो रहेका छन् ।
ती दुवैले मिलेर बाराकै जितपुर सिमरा उपमहानगरपालिका वडा नम्बर ८ राजापुरका महेश साहको गत मंसिर २७ गते हत्या गरेका थिए । बाराकै विश्रामपुर गाँउपालिका वडा नम्बर ५ इटियाहीमा मंसिर २७ गते रातिको समयमा मुकेशलाई बोलाएर दुवैले केबलको तारले मुकेशको घाँटी कसेर हत्या गरि शव त्यहीको परालको भुसमा लुकाएर फरार भएका थिए ।
प्रहरीका अनुसार , रोशनी र उनका प्रेमी मुकेश कोठा भाडामा लिएर केहि महिनादेखि संगै बस्दै आएका थिए । यो कुरा रोशनीका श्रीमान् कैलाशले थाहापाएपछि रोशनीले आफुसंग विहे गर्न प्रेमी मुकेशलाई दबाब दिएकी थिइन् । तर मुकेश र उनको परिवारले नमानेपछि रोशनी र उनका श्रीमान् कैलाशले मुकेशको हत्या गर्ने योजना बनाएर इटियाहीमा बोलाएर हत्या गरि दुवै जना फरार भएको अनुसन्धानका क्रममा खुलेको बाराका प्रहरी उपरीक्षक होविन्द्र बोगटीले बताए ।
हत्यापछि फरार रहेका रोशनी र उनका श्रीमान् मुकेशको खोजतलाश गर्नेक्रममा उनिहरु भारतको दिल्ली हुदै केरलामा गएर लुकिछिपी बसेको सुचना बारा प्रहरीले प्राप्त गरेको थियो । त्यसपछि केरलाको भारतीय प्रहरीको सहयोगमा दुवैजनालाइ बैशाख ६ गते पक्राउ गरि नेपाल ल्याइएको प्रहरी उपरीक्षक बोगटीले बताए ।
दुवैलाई जिल्ला प्रहरीको कार्यालय बाराको हिरासतमा राखेर बारा जिल्ला अदालतबाट ७ दिनको म्याद अनुमति लिइ थप अनुसन्धान भइरहेको बोगटीले जानकारी दिए ।
The post बारामा प्रेमीको हत्या गरेर फरार रोशनी र उनका श्रीमान् चार महिनापछि पक्राउ appeared first on Madhes Khabar.
साभारः मधेसखबर
प्रतिक्रिया